व्याङडाडा, २६ माघ–झापाको शिबसताक्षी नगरपालिकाले नगर स्तरीय दुईवटा क्षेत्रगत नगर विकास समिति गठन गरेको छ । नगरपालिकाको कार्यालय व्याङडाडामा नगर प्रमुख चन्द्रकुमार शेर्माको अध्यक्षतामा बसेको बैठकले नगर खेलकुद विकास र कृर्षि विकास समिति गठन गरेको हो ।
गठन भएको खेलकुद समितिको संयोजकमा शिबसताक्षी–११ झिलझिलेका फुर्वा (प्रदिपकुमार गोले) तामाङ चुनिएका छन् । फुर्वाको संंयोजकत्वमा ११ सदस्सीय नगर खेलकुद विकास समिति गठन भएको छ । झापाली फुटबल क्षेत्रमा स्थापित पूर्व खेलाडी फूर्वा तामाङ हाल सतासीधाम स्पोटिङ कल्बका उपाध्यक्ष हुन् । नेकपा एमाले सम्बद्ध युवा संघ नेपाल शिबसताक्षी नगर सदस्य रहेको फुर्वा व्यबसायीक रुपमा झिलझिलेमा फिटनेश (जिम हाउस) संचालन गरिरहेका छन् ।
त्यस्तै, समितिको सदस्यमा तुलशी दाहाल (शिबसताक्षी–१), दिलिप राई (शिबसताक्षी–३), दिपक भेटुवाल (शिबसताक्षी–६), प्रेम फुयँल (शिबसताक्षी–४), अरुण चेम्जोङ (शिबसताक्षी–२), बुद्धिराज लम्सम (शिबसताक्षी–७), हिमा कार्की (शिबसताक्षी–११), लक्ष्मण अधिकारी (शिबसताक्षी–१०), सन्तोस पौडेल (शिबसताक्षी–४) छन् । सो समितिको सदस्य सचिवमा शिबसताक्षी नगरपालिकाका प्रशासन प्रमुख डिल्लि नेपाल छन् ।
सोहि, बैठकले नगर कृषि विकास समिति गठन गरेको छ । समितिको संयोजकमा शिबसताक्षी–२ मंगलबारेका बलजित राई छन् । संयोजक राई साविक धरमपुर गाविसका निर्वाचित अध्यक्ष (जनप्रतिनिधि) हुन् । उनी धरमपुर नगदे बाली कृषि सहकारी संस्था धरमपुरका संस्थापक अध्यक्षको जिम्मेवारी सम्हालिरहेका छन् ।
सो समितिको सदस्यहरुमा शिबसताक्षी–४ का कलम लामिछाने, वडा नं १० का उमानाथ पराजुली, वडा नं ७ का कमल कार्की, वडाँ नं ६ का मिना चापागाई, वडा नं ४ का विष्णु प्रसाई, वडा नं ९ का तीलप्रसाद कटुवाल, वडा नं ३ का नबिन लामा, वडा नं ५ का देवानन्द शाह रहेका छन् । सो समितिको सदस्य सचिवमा नगर कृषि विकास कार्यालयका प्रमुख खिलबहादुर श्रेष्ठ छन् । ११ सदस्सीय रहने कृषि विकास समितिमा रिक्त रहेको १ जना सदस्य अर्को बैठकले पुर्ति गर्ने प्रशासन प्रमुख डिल्लि नेपालले जानकारी दिए ।
