लैङ्गिक हिंसा विरुद्धको १६ दिने अभियान समापन

दमक/अन्तराष्ट्रिय लैङ्गिक हिंसा विरुद्धको १६ दिने अभियानलाई आज झापाको दमकमा रहेका विभिन्न संघसंस्थाहरु एक कार्यक्रमको आयोजना गरि समापन गरेका छन । अन्तराष्ट्रिय लैङ्गिक हिंसा विरुद्धको १६ दिने अभियानको सन्र्दभपारेर उक्त अभियानको समापन गरिएको हो । दमकमा रहेका महिला सम्बद्ध विभिन्न संघ संस्था, गैह्र सरकारी निकाय, तथा सरकारी निकायहरुको सम्युक्त सहभागितामा कार्यक्रम सम्पन्न गरिएको हो । कार्यक्रममा दमकमा रहेको विभिन्न संघ संस्थाहरुको सहभागिता रहेको थियो ।चेतना महिला विकाश संघकी अध्यक्ष मन्धरा पौडेलको अध्यक्षतामा भएको उक्त समापन समारोहमा इलाका प्रशासन कार्यालय दमकमा प्रमुख बाँसु प्रसाद कोइरालाको प्रम्ुख उपस्थिती रहेको थियो । यसैगरि उक्त कार्यक्रममा दमक नगर पालिकाका कार्यकारी अधिकृत युवराज दाहाल, शसस्त्र प्रहरिबल पाथिभरा गणका गणपति प्रेमराज पोख्रेल, इलाका प्रहरी कार्यालय दमकमा प्रमुख राजन लिम्बु, अधिबक्ता चन्द्रा श्रेष्ठ लगायतको उपस्थिती रहेको थियो । कार्यक्रमका सहभागिहरुले विभिन्न प्ले कार्ड ब्यानर सहितको रयालीले दमक नगरको परिक्रममा गरि नेपाल रेडक्रस उपशाखा दमकको सभाहलमा आयोजित समारोहमा सहभागि भएका थिए ।