दमक,१ पुस÷ झापाको गौरीगञ्जमा आज सम्पन्न श्रीमद् भागवत महापुराणबाट रु १ करोड बढी सहयोग जुटेको छ ।
विस १९९० मा स्थापित गौरीगञ्जस्थित सो दुर्गा मन्दिरको स्तरन्नति गर्न सहयोगार्थ सञ्चालित नौ दिने महापुराणबाट नगद र जिन्सी गरि रु एक करोडबढी सहयोग जुटेको हो । आज महापुराण समापन कार्यक्रममा पुराण आयोजक समितिले नगद रु १४ लाख ६२ हजार ७ सय ,जग्गा २ विगाहा १४ कठा र भवन निर्माणका लागि इट्टा, बालुवा, रड,सिमेन्ट लगायतको भौतीक साम्रागीहरु समेत दाताहरुबाट संकलन भएको पुराण मूल आयोजक समितिका सचिव पवन दाशले जानकारी दिनुभयो । सचिव दाशले महापुराणमा नगद,जिन्सी गरि करिव रु १ करोड जति सहयोग प्राप्त भएको जानकारी दिनुभयो ।
यसैवीच पुराणमा रु ५ लाख भन्दा बढी सहयोग गर्नुहुने ताराकान्त दाश,नाराण अग्रवाल,मनदेवी रिजाल, श्याम राजवंशी, नेवदेवी हलुवाई,विपलाल यादव, उदयलाल यादवलगायत दाताहरुलाई पुराण आयोजक समितिले अभिनन्दन गरिएको थियो । त्यस्तै, पुराणका मुख्य कथाबाचक पण्डित आशुतोष खनालसहित पुराणमा सहयोग पु¥याँउने दाता, उपसमितिका सदस्यहरुलाई समेत सम्मान गरिएको थियो । पुराण मूल आयोजक समितिका संयोजक विश्वराज रिजालको अध्यक्षतामा भएको समापन कार्यक्रमको प्रमुख आतिथ्यता समाजसेवी केशरवहादुर श्रेष्ठ रहनुभएको थियो ।
गौरीगञ्ज –७ स्थित बुधबारे बजारमा आयोजित सो महापुराणबाट संकलित सहयोग रकमबाट सुविधा सम्पन्न मन्दिर निर्माण गरिने गठित पुराण प्रचार समितिका संयोजक निरज अग्रवालले जानकारी दिनुभयो ।