विष्णुप्रसाद पोखरेल
दमक/झापाको दमकको मुख्य बजारमा गयराती ३ वटा हात्तीले आतंक मच्चाएको छ । राती दमकको हाटखोला तथा नमूना मार्ग नजिक हात्ती प्रवेस गरेपछि भागदौड मच्चिएको थियो ।

स्थानीय शंकर रोक्का अनुसार हात्ती प्रवेस गरेपछि स्थानीयहरु त्रसित र भयभित भएका थिए । हात्तीले ठूलो क्षति नपुर्याएपनि एकजना भने गम्भिर घाइते रहेको उनले जानकारी दिएकाछन् ।

इलाका प्रहरी कार्यालय दमकका प्रमुख दीपक गिरीका अनुसार हात्ती बजारमा प्रवेस गरेपछि भागदौड हुदा नमूना मार्गमा रहेका सुरक्षा गार्ड ज्ञानबहादुर साँवा घाइते भएकाहुन् ।

उनको अहिले लाइफलाइन अस्पतालमा उपचार भइरहेको कार्कीले जानकारी दिएकाछन् । प्रहरीका अनुसार हात्तीहरु चुरेक्षेत्र चुलाचुलीतर्फ लागेकाछन् ।