दमकका राजेश मल्लिकको हत्याको बिषयमा अनुसन्धान र कार्वाही कहाँ पुग्यो ? हेर्नुहोस

दमक प्रहरीले अहिलेसम्मको अनुसन्धान र कारवाहीबारे यसो भन्यो- मिति २०७४।७।२५ गते जिल्ला झापा दमक न.पा.वडा नं. ६ गणतन्त्र चोक स्थित रहेको त्रिवेणी होटल एण्ड लजको कोठा . १०४ मा जिल्ला झापा दमक न. पा. वडा नं. ७ बस्ने हरी बहादुर जम्मदार मल्लिकको छोरा बर्ष १९ को राजेश मल्लिकलाई वायाँ छातीमा छुरी प्रहार गरी कर्तव्य गरी ज्यान मारेको घटनाको अनुसन्धानको क्रममा डग स्न्याफिङ्ग गरी क्षेत्रिय अनुसन्धान ब्युरो,जिल्ला प्रहरी कार्यालय झापा, ईलाका प्रहरी कार्यालय दमक झापाको समेत संलग्नतामा उक्त घटना को कस्ले घटाएको हो भन्ने पत्ता लगाउन बैज्ञानिक बिधि, स्रोत, साधन र बुझिएका मानिसहरुवाट राजेश मल्लिको हत्या ऐ. ऐ. बस्ने निजकै एकाघरको कान्छो काका बर्ष २६ को भोला भन्ने नरेश मल्लिकवाट गराएको हो भनी खुल्न बुझिन आएकोले निजको खोजतलास गर्दै जाने क्रममा झापा जिल्लाको मेची नगरपालिका वडा एरीया अन्तर्गत मेची खोलाको आसपास घुमफिर गर्दै गरेको छ भन्ने गोप्य सुचनाको आधारमा यस कार्यालयवाट खटिएको प्रहरी नायव उपरीक्षक दिपक गिरी समेतको प्रहरी टोलीले मिति २०७४।१२।९ गते अं। ०८. ३० बजेको समयमा जिल्ला झापा मेचि न. पा. वडा नं.  ६ स्थित मेचि खोलाको बगरमा फेलापारी पक्राउ गरी अनुसन्धान गर्दा भतिजो राजेश मल्लिकलाई मैले नै छुरा प्रहार गरी कर्तव्य गरी ज्यान मारेको हो भनि स्विकार गरी खुलाई दिएको र अनुसन्धान पश्चात सम्मानित झापा जिल्ला अदालतको आदेशले मिति २०७५।१।५ गतेबाट पुर्पक्षको लागी थुनामा राख्न जिल्ला कारागार कार्यालय झापा पठाईएको ।