दमकमा देखियो नयाँ चर्तिकला, कहाँबाट बर्षदैछन् सुकुम्बासीको घरमा ढुंगा ? पत्ता लगाइदिन यस्तो आग्रह (भिडियो सहित)

दमक/झापाको दमक १ संगम चोक नजिकै सुकुम्बासी टोलमा रहेका घरहरुमा अज्ञात समुहले टिनको छानोमा ढुंगा हानेपछि स्थानीयहरुमा त्रास पैदा भएको छ । मंगलवार साँझदेखि टिनमा ढुंगा बर्सन थालेपछि स्थानीयहरु आतंकीत भएकाहुन् ।

इलाका प्रहरी कार्यालय दमकको टोलीको सामुन्ने नै टिनमा ढुंगा हानिएपछि प्रहरीले आसपासको क्षेत्रमा सर्च समेत गरेको थियो । केहि पनि नभेटिएको इलाका प्रहरी कार्यालय दमकका प्रहरी निरीक्षक मिलन बस्नेतले बताए ।

स्थानीयहरुले भूतप्रेत भएको हुनसक्ने भन्दै धामिझाक्रीमा समेत गएको बताएकाछन् । उनिहरुले जसले गरेको भएपनि यो कार्य तत्काल रोकिनु पर्ने भन्दै रातभर सुत्न नपाएको गुनासो गरे । स्थानीय ५ घरमा पालैपालो टिनमा ढुंगा हान्ने गरेको पाईएको छ ।

https://youtu.be/GxS-sovpx9Y