बुटवल- पाल्पाको रम्भा गाउँपालिका-४ हुमिनमा आज बिहान भएको बस दुर्घटनामा मृत्यु हुनेको संख्या १३ पुगेको छ। तानसेनको लक्ष्मी बचत तथा ऋण सहकारी संस्था लिमिटेडका सदस्यहरु रामपुरका विभिन्न सहकारीको अवलोकन भ्रमणका लागि हिँडेको लु २ त ९७५ नंको बस दुर्घटनामा परेको हो।

प्रहरी उपरीक्षक दिल्लीराज पन्तका अनुसार मृतकमध्ये कमला कार्कीको लुम्बिनी मेडिकल कलेजमा र सचिन बज्राचार्यको मिसन अस्पतालमा मृत्यु भएको हो। अन्यको भने घटनास्थलमै मृत्यु भएको हो।

घाइते हुनेहरुमा प्रफुल्ल शर्मा, विमल रन्जन, उत्तमकुमार बज्राचार्य, ओम मलेगो, मिना खाम्चा, मुना सारु, अर्जुन थापा र प्रविण बज्राचार्यको तानसेन मिसन र लुम्बिनी मेडिकल कलेज प्रभासमा उपचार भइरहेको छ।

मृत्यु हुनेहरुको नाम
१ विष्णुमान बज्राचार्य तानसेन ४
२ देवेन्द्रलाल प्रधान तानसेन ३
३ कृष्णमान बज्राचार्य तानसेन ३
४ छत्रमान शाक्य तानसेन ३
५ सुशीलप्रसाद श्रेष्ठ तानसेन ६
६ कृष्णबहादुर बोहोरा तानसेन ४
७ दुर्गाबहादुर सारु तानसेन ६
८ लोकनाथ ढकाल तानसेन २
९ वसन्ती खाँण तानसेन ३
१० गीता बुढाथोकी तानसेन ६
११ कमला कार्की तानसेन ३
१२ सचिन बज्राचार्य तानसेन ६
मृतक एक जना महिलाको नाम खुल्न सकेको छैन।