श्रीमती सीताको उपचार गराएर सिंगापुरबाट फर्किए प्रचण्ड

काठमाडौं- नेपाल कम्युनिष्ट पार्टी (ने क पा) का अध्यक्ष पुष्पकमल दाहाल ‘प्रचण्ड’ १३ दिनको बसाइपछि सिंगापुरबाट स्वदेश फर्किएका छन्।

श्रीमती सीता दाहालको उपचार गर्न गत असार ४ मा प्रचण्ड सिंगापुर गएका थिए। श्रीमतीको उपचार सकेर उनी आज साँझ नेपाल फर्किएका हुन्।

छोरा प्रकाशको निधनपछि स्वास्थ्य अवस्था कमजोर बन्दै गएकाले प्रचण्डले श्रीमती सीतालाई उपचारका लागि सिंगापुर लिएर गएका हुन्।

प्रचण्ड र सीतालाई त्रिभुवन अन्तर्राष्ट्रिय विमानस्थलमा स्वागत गर्न उनका छोरीहरु र पार्टीका नेता कार्यकर्ता पुगेका थिए।