मृत्यु रहस्यमय भन्दै आफन्त र छिमेकीहरुले इलाका प्रहरी कार्यालय दमकमा धर्ना

२९ पुष । झापा गौरादहकी गोमा खनाल कोइरालाको गएको शनिबार भएको मृत्यु रहस्यमय भन्दै आफन्त र छिमेकीहरुले आज इलाका प्रहरी कार्यालय दमकमा धर्ना दिएका छन । गएको शनिबार दिउसो झुण्डिएको अवस्थामा फेला परेकी गोमाको मृत्युको बिषयमा प्रहरीले राम्रो अनुसन्धान नगरेको भन्दै उनिहरुले धर्ना दिएका हुन । शनिबार दिउसो पति श्रीप्रसाद कोइरालाले एक्कासी पत्नी बिरामी भएको र अस्पताल लानुपर्ने भन्दै छिमेकीलाई खबर गरेका थिए । उनले श्रीमती उचरक्तचापको विरामी भएको र आफै अचेत भएको भन्दै अस्पताल लान छिमेकीलाई सहयोग मागेको छिमेकी बबिता चम्लागाईले बताइन । उच्च रक्तचापका कारण अस्पताल लगिएको भनिएपनि अस्पतालमा मृतकको घाटीमा डोरीको दाग देखिए पछी आफन्त र छिमेकी सशंकित भएका थिए । इलाका प्रहरी कार्यालय दमकले भने अनुसन्धानका क्रममा घटनाको प्रकृति हेर्दा आत्महत्या नै भएको भेटिएको बताएको छ । ईलाका प्रहरी कार्यलय दमकका प्रमुख प्रहरी नायब उपरिक्षक राजन लिम्बुले घटनाको प्रकृती र पोस्टमार्टम रिर्पोटले भबितव्य मृत्यु नै रहेको बताउनुभयो । तर पनि आफन्त र छिमेकिले हत्या भनेर जाहेरी दिएकोले त्यसलाई प्रकृया अनुसार दर्ता गर्ने र थप अनुसन्धान गर्ने उहाले बताउनुभयो । उहाले भन्नुभयो ‘यस विषयमा हामी थप अनुसन्धान गदैछौ । हिमशिखर टि.भी बाट सभार