जंगली हात्ती बाट जनधनको क्षती

ज्ांगली हात्तीको आक्रमणबाट झापाको भद्रपुर २ मा एक बालिका सहित २ जनाको मृत्यु भएको छ । मृत्यु हुनेहरुमा भद्रपुर नगरपालिका २ महेशपु्र बस्ने १४ बर्षिया शर्मिला लिम्बु र ४१ बर्षिया पालमाया लिम्बु रहेका छन् । घर नजिकै रहेको जंगलमा दाउरा खोज्न गएका दुवैलाई हात्तीले आक्रमण गरेको थियो । पालमायाको शव हिजो बेलुका फेला परेको थियो भने शर्मिलाको शव आज विहान भेटिएको छ । यस वर्ष मात्र झापामा जंगली हात्तीको आक्रमणबाट ५ जनाको ज्यान गईसकेको छ । जंगली हात्ती बाट जनधनको क्षती बढ्दो रुपमा रहेको जिल्ला वन कार्यालयका प्रमुख बोधप्रसाद सुवेदीले बताउनुभयो । विधुतिय बारका कारण भारतिय क्षेत्र बाट बाहुनडागी हुदै हात्ती प्रवेश नगरे पनि रैथाने हात्तीले आतंक मच्चाएको उहाले जानकारी दिनुभयो ।