हिसान को भलिबल उपाधि हरिकुललाई

दमक÷उच्च माध्यमिक बिद्यालय संघ झापाको आयोजनामा सम्पन्न भएको पहिलो उच्च माबि स्तरीय भलिबल प्रतियोगिताको उपाधि हरिकुल उच्च माबि सुरुगाले जितेको छ । लखनपुरको आदिबासी रंगशालामा यहि माघ ११ गतेदेखि शुरु भएको प्रतियोगिताको शुक्रबार भएको फाइनल खेल हरिकलुक उच्च माबिले सिद्धार्थ उच्च माबिलाई हराउदै उपाधि जितेको हो । कार्यक्रमका संयोजक तेजकुमार श्रेष्ठका अनुसार हिसानले पहिलो पटक अन्तर उच्च माबि स्तरीय भलिबल प्रतियोगिता गरेको जानकारी दिदै यसलाइ निरन्तरता दिने बताए । नीजि बिद्यालयहरुले खेलकुदलाई महत्वका साथ अघि बढाएको र यसले भलिबल खेलाडिहरुको पहिचान पनि हुने उनले जनाएकाछन् । हिसानका क्षेत्रिय समितिका संयोजक टेकनाथ भण्डारीका अनुसार प्रतियोगितामा जिल्लाका २६ वटा उच्च माबिहरुको सक्रियता पूर्वक सहभागिता रहेको थियो । बिद्यार्थीहरुलाइ पढाइका साथै यस प्रकारका कृयालापहरुले फाइदा पुग्ने भएकाले प्रतियोगिताको आयोजना गरिएको भण्डारीले बताए ।