दमक बहुमुखि क्याम्पसमा नेबि संघको लफडा मिलेकै हो ?

दमक÷झापाको दमक बहुमुखि क्याम्पसको स्वबियू अध्यक्ष चयनमा नेपाल बिद्यार्थी संघको लफडा मिलेको बताईएको छ । बिगतदेखि नै क्याम्पसमा दूइवटा इकाइ समिति रहेको अवस्थामा दूइजना नै अध्यक्षमा उम्मेद्वार बन्ने चर्चा रहेको थियो । अध्यक्षमा बिनोद चापागाइ र नवराज ढकालले दाबी गर्दै आएका थिए । नेपाल बिद्यार्थी संघ तथा नेपाली काँग्रेसले औपचारिक घोषणा नगरेपनि चापागाइलाई स्वबियू सभापतिमा लैजाने सहमति जुटेको एक काँग्रेस नेताले बताए । नेबि संघ भित्रको आन्तरिक बिबाद मिलेको जनाईएपनि औपचारिक रुपमा उम्मेदवार घोषणा नभइ केहि भन्न नसकिने एक नेबि संघका जिल्ला सदस्यले बताए । यता माओबादी केन्द्र निकट अखिल क्रान्तिकारीबाट रबी बस्नेत अध्यक्षको उम्मेदवार रहने बताईन्छ । औपचारिक रुपमा निर्णय नभए पनि बस्नेतले निर्बिकल्पको अध्यक्षको उम्मेदवार रहेको जनाईएको छ । प्रदेश नं. १ का प्रमुख महेन्द्र भट्टराइका अनुसार सबै क्याम्पसहरुको अध्यक्षको उम्मेदवारहरु केहि दिनमा नै सार्वजनिक गरिने तयारी रहेको छ । यसभन्दा अगाडि नै अनेरास्वबियूले उम्मेदवारी घोषणा गरिसकेको छ । अनेरास्वबियूले सन्तोष दूलाललाइ सर्वसम्मत रुपमा अघि सारिसकेको छ ।