१६ माघ । नेपाल औषधि व्यवसायी संघ मेची अञ्चलको आसन्न अधिवेशनसँगै चुनावी सरगर्मी बढेको छ । फागुन ७ गते झापाको दमकमा संघको ११ औं अधिवेशन हुने निश्चित भएपछि औषधी ब्यवसायीबिच चुनावी चर्चा शुरु भएको हो । चुनावी चर्चासँगै व्यवसायीले आ–आफ्नो तरिकाबाट उम्मेद्वारी घोषणा गर्न थालेका छन् । बिर्तामोडका औषधी व्यवसायी नरेन्द्रप्रसाद बरालले अध्यक्ष पदमा उम्मेद्वारी दिने घोषणा छन् । उनले औषधी व्यवसायीको हकहितका लागि आफु्ले उम्मेद्वारी दिन लागेको बताए । बराल बिर्तामोडका ओसिएन फर्माका सञ्चालक हुन् । २०४२ सालदेखि औषधि ब्यवसायीमा लागेका उनी २०५५ देखि ०५८ सम्म संघको अञ्चल समिति सचिव थिए । ०५८ देखि ०६१ सम्म प्रथम उपाध्यक्ष भएर उनले कुशल जिम्मेवारी निर्वाह गरिसकेका छन् । त्यस्तै ०६१ मा बराल कानुनी सल्लाहकारको रुपमा रहेका थिए । बरालले औषधि ब्यवसायलाई मर्यादित र ब्यवस्थित गर्न आफु लागि पर्ने प्रतिवद्धता जनाएका छन् । संघको अधिवेशनले १७ सदस्यीय नयाँ अञ्चल समिति चयन गर्नेछ । नयाँ समितिको कार्यकाल ३ बर्षे हुनेछ । मेची अञ्चलभर चारसय ५० औषधि व्यवसायी रहेका छन् । त्यस मध्ये चारसय २२ जना संघमा आवद्ध रहेको जनाइएको छ ।
विज्ञापन (ADVERTISEMENT)
