दमक/नेपाल बिद्यार्थी संघले झापाको दमक बहुमुखि क्याम्पसको स्वबियू अध्यक्षमा बिनोद चापागाइलाइ उम्मेदवार बनाउने निश्चित भएको छ । आइन्द्र केरुङको संयोजकत्वममा बनेको समितिको सिफारीसमा नेपाली काँग्रेसले चापागाइलाई उम्मेदवार बनाउने निर्णय गरेको बताइएको छ । उम्मेदवार चयनमा देखिएको बिबाद मिलेपछि सर्वसम्मत रुपमा चापागाइ अध्यक्षको उम्मेदवार बनाईएको बताइएको छ । अर्का दाबेदार नवराज ढकालले नेबि संघको महत्वपूर्ण जिम्मेवारी दिइने भएपछि चापागाइका लागि अब सहज भएको छ । चापागाइले आफू अब चुनावी अभियानमा लागिसकेको जनाएकाछन् । नेपाली काँग्रेस दमकका युवा नेता दीपेश दाहालका अनुसार काँग्रेसको भातृ संगठन नेबि संघमा अब कुनै पनि बिबाद रहेको छैन । पार्टीले र नेबि संघले सर्वसम्मत रुपमा चापागाइलाई उम्मेदवार बनाएकाले जित शुनिश्चित छ ।