मिठो परिकार खान छुट्नु होला नी (भिडियो सहित)

दमक- झापाको दमकमा आउदो फागुण ५ गतेदेखि ७ गतेसम्म तेश्रो फुड फेस्टिवलको तयारी भब्य रुपमा शुरु भएको बताईएको छ । बिभिन्न परम्परागत र आधूनिक खाद्य परिकारहरु सहितको फूड फेस्टिवल गतबर्षहरुकोभन्दा ब्यापक र बृहत हुने होटल ब्यवसायि संघका अध्यक्ष राजन दंगालले बताए । उनका अनुसार आदिबासी समुदायका परम्परागत खाद्य पदार्थदेखि लिएर चौरासी ब्यञ्जनसम्मका खानेकुराहरु यहाँ पाइने छ । दंगालले यस फूड फेस्टिवलमा सबैलाइ चुल्हे निम्तो पनि गरेकाछन् । यसै गरि होटल ब्यवसायिक संघका उपाध्यक्ष तथा प्रचारप्रसार संयोजक सुधिर प्रधानले यो महोत्सवले दमकलाई खाद्य पदार्थमा आत्मनिर्भरताको लागि पनि ध्यानकर्षण गराउने छ । बिगतमा गरिएका महोत्सवहरु भन्दा यो महोत्सव भब्य र सभ्य हुने भन्दै एकपटक आएर यहाँ बन्ने परिकार चाख्नका लागि प्रधानले आग्रह गरे ।