दमक/अहिले पूर्व महोत्सवमय बनेको छ । बिभिन्न ठाँउमा बिभिन्न प्रकारका महोत्सवहरु भइरहेकाछन् । यसबैक्रममा एउटा फरक महोत्सव लखनपुरमा आयोजना शुरु भएको छ । उज्यालो बाल क्लवको आयोजनमा लखनपुर १ को आदिबासी रंगशालामा प्रथम राष्ट्रिय बाल महोत्सव शुरु भएको हो । महोत्सव फरक रुपमा उद्घाटन गरिएको छ ।
महोत्सव कार्यक्रम उद्घाटन शिक्षा मन्त्री धनिराम पौड्यालले गरे । उनले बिद्यार्थीले बनाएको रकेट उडाएर महोत्सवको उद्घाटन गरेका हुन् । शशस्त्र प्रहरी बल पाथिभरा गण लखनपुरको सामुन्ने भएको कार्यक्रमा मन्त्री पौड्यालले स्वीच दबाएपछि रकेट केहि पर गएर भूइमा झरेको थियो । शसस्त्र क्याम्प अगाडि महोत्सव स्थलमा यसरी रकेट उड्दा आफै क्षेत्रका बिद्यार्थी र बालबालिकामा पनि प्रतिभा रहेछ भन्ने प्रमाणित भएको बताईएको छ ।
मन्त्री सहित आयोजकका केहि ब्याक्तिको कपडामा हिलो लागेको थियो । रकेट उड्दा सबैले तालि पिटेका थिए । ५ दिनसम्म चल्ने महोत्सवमा रकेट बनाउने र त्यसलाइ उडाउने प्रतियोगिता नै हुने बताईएको छ । आयोजक समितिका संयोजक सन्तोष भण्डारीका अनुसार महोत्सव स्थलमा रकेट निर्माण र उडाउने तरिका यहाँ बिद्यार्थी तथा बालबालिकाले सिक्न पाउनेछन् ।
भब्य रुपमा महोत्सव शुरु भएको छ । बिज्ञान प्रदर्शनी यहाँको प्रमुख आकर्षण बन्न शुरु गरेको छ । यसका साथै सास्कृतीक कार्यक्रम र बिभिन्न बौद्धिक ब्याक्तिहरुको उत्प्रेरणात्मक भाषण पनि यहाँ आकर्षण हुनेछन् । स्टलहरु थामिनसक्नु भिड रहेको बिद्यार्थी तथा बालबालिका उत्साहित भएर आएको आयोजक क्लवकी अध्यक्ष टेलिना खनालले जानकारी दिइन् । उनले महोत्सवमा सहभागिता जनाउन र सम्पूर्ण बिद्यार्थी तथा बालबालिकाहरुलाई ल्याइदिन आग्रह गरेकीछन् ।