किर्तन मण्डलीले बनाइदियो प्रहरी बिट

दमक/झापाको लखनपुरमा रहेको एउटा किर्तन मण्डलीले उदारणिय काम गरेको छ । स्थानीय क्षेत्रका शान्ति सुरक्षा कायम राख्नका लागि प्रहरी बिट बनाएर उदाहरणिय काम गरेको हो । करिब ५४ हजारको लागतमा बिट निर्माण भएको हो । लखनपुर ५ स्थित भुवनेश्वरी किर्तन मण्डलीले स्थानीय गेउरीया बजार ब्यवस्थापन समितिको ब्यवस्थापनमा प्रहरी बिट बनाइ दिएको हो । किर्तन मण्डलिका अध्यक्ष उमेश निरौलाका अनुसार यस क्षेत्रमा हुने अपराध रोक्न यो काम गरिएको हो । बिटको चाँबी बुझ्दै इलाका प्रहरी कार्यालय दमकका प्रहरी प्रमुख राजन लिम्बुले जनताको यो साथले प्रहरीलाई कार्यक्षेत्रमा काम गर्न थप जाँगर र जोश प्रदान गरेको बताए । उनले स्थानीयको सहयोगमा नै शान्ति सुरक्षा कायम हुन सक्ने र अपराधजन्य गतिबिधि न्यूनिकरणमा टेवा पुग्ने बताए । बिट हस्ताण्तरण कार्यक्रम नेकपा एमालेका जिल्ला सदस्य बेनुप्रसाद शिवाकोटी, स्थानीय शैक्षिक तथा सामाजिक अगुवा जीबन सापकोटा, गेउरीया बजार ब्यवस्थापन समितिका अध्यक्ष अक्कलबहादुर गुरुङ्ग लगायतले बोलेका थिए । कार्यक्रमको सञ्चाल कमल बाह्कोटीले गरेका थिए ।