दमक/पूर्व प्रधानमन्त्री एवं नेकपा एमालेका अध्यक्ष केपी शर्मा ओलीको गृह नगरमा संगठन बिस्तारमा नेकपा माओबादी केन्द्र लाग्न थालेको छ । स्थानीय निकायको र त्यसपछि प्रदेश तथा केन्द्रको निर्वाचनमा आफ्नो पार्टीलाई दर्बिलो राख्न माओबादीले अभियान शुरु गरेको हो ।
माओबादी नेता श्रीकान्तका अनुसार क्षेत्र नं. ७ लगायतका झापा जिल्लाभर नै अब संगठन बिस्तार सुदृणिकरण अभियान चलाउन शुरु गरिएको छ । यसले कार्यकर्ताहरुलाइ संगठित गर्नेछ । पार्टीको सगठन कमजोर भएको भन्दै आलोचना भएपछि माओबादीले अब सबै शक्ति संगठन बिस्तारमा लगाउने उनको भनाइ छ ।
माओबादीका अर्का नेता गगन पुरीका अनुसार स्थानीय निर्वाचन देखि लिएर सबै निर्वाचनमा पार्टीलाई एकनम्बर बनाउनका लागि पार्टी सुदृणिकरण संगै संगठन बिस्तार अभियान चलिरहेको छ । झापाको दमकमा बर्षमान पुन अनन्तले अब निर्वाचनका लागि तयार रहन कार्यकर्ताहरुलाई निर्देशन समेत दिएकाछन् । उनले सरकार बिरुद्ध एमालेले भ्रम फैल्याएको भन्दै गर्जिएका थिए । माओबादी केन्द्र र सरकार अहिले निर्वाचनको पक्षमा रहेको भन्दै राष्ट्रियताको ठेक्क कसैको नभएको भन्दै आफ्नो पार्टीलाई कसैले सिध्याउन नसक्ने भन्दै गर्जिएका हुन् ।