दमक/युवाहरुको सक्रियाता झापाको दमकमा दूइ बर्ष अघि शुरु भएको द क्लियर सहकारी संस्थाले छोटो समयमा नै प्रगती उन्मूख बाटो पहिल्याएको छ । शुरुवातको बर्ष चुक्ता शेयर पुजी २६ लाख २ हजार भएको यस सहकारीले अर्को बर्ष ८४ लाख ११ हजार ४ सय पुर्याएको छ । अब उसको लक्ष्य १ करोड २५ लाखको रहेको छ । सहकारीका अध्यक्ष दीपेन्द्र दाहालका अनुसार सहकारीले करिब साढे छ करोडको कारोबार गरेको छ । सहकारी अब नाफामा समेत जान शुरु गरको दोश्रो साधरणसभामा जानकारी गराईयोएको थियो । सहकारीको क्षेत्रमा महत्वपूर्ण योगदान पुर्याउने लक्ष्य अनुसार काम भइरहेको दाहालले बताए । सहकारी अगुवा महिला चन्द्रा खड्काको प्रमुख आतिथ्यमा भएको कार्यक्रममा दमक उद्योग बाणिज्य संघका अध्यक्ष राजेन्द्र ढकाल, एमाले नेता केन्द्र प्रशाइ, पूर्व मेयर इन्द्र बुढाथोकी, रेडक्रस दमकका सभापति लिला गुरागाइ लगायतले सहकारीको प्रगतीको कामना गरेकाछन् ।