आइजीपी नियुक्तिको बिषयमा अदालतको निर्णयले सरकार अप्ठेरोमा

१ फागुन– जयबहादुर चन्दलाई प्रहरी महानिरीक्षक बनाउने सरकारको निर्णय कार्यान्वयन नगर्न सर्बाेच्च अदालतले अन्तरिम आदेश दिएको छ । आइतबार बिहान मात्रै मन्त्रिपरिषदको बैठक आकस्मिक रुपमा बसी चन्दलाई प्रहरी प्रमुख नियुक्ति गर्ने निर्णय गरेको थियो । प्रधान न्यायाधीश सुशीला कार्कीको एकल इजलासले सरकारको निर्णय कार्यान्वयन नगराउन सो आदेश दिएको हो । सत्तारुढ कांग्रेस सभापति शेरबहादुर देउवाको दवावमा प्रधानमन्त्री पुष्पकमल दाहालले आजै मात्र चन्दलाई आइजीपी नियुक्त गरेका थिए । वरियता मिचेर आइजीपी नियुक्त गर्न लागिएको भन्दै सर्बाेच्चमा मुद्दा परेकाले सुनुवाई हुनुअघि नै चन्दलाई नियुक्त गर्न देउवाले दवाव दिएका थिए । देउवाको दवावपछि प्रधानमन्त्री दाहालले आइतबार बिहानै मन्त्रिपरिषद बैठक बसी नियुक्त गरेका थिए ।