(यो राशिफल माघ ६ देखि १२ गतेसम्मकोे साप्ताहिक राशिफल)
मेषः साताको शुरुमा स्वास्थ्यमा समस्या आउनेछ । पारिवारिक तनाव बढ्नेछ । मध्यमा भने बौद्धिक कार्यमा रुचि एवम् अध्ययनमा सफलता पाइनेछ । साताको अन्त्यमा स्वास्थ्यमा सुधार हुनेछ । खर्च बढे पनि आपसी वैमस्यता मित्रतामा बदलिनेछ ।
वृषः यात्रा हुनेछ । भ्रातृ वर्गबाट सहयोग पाइनेछ । साताको मध्यमा भने घरायसी समस्या बल्झिनेछ । पारिवारिक अनमेल हुनेछ । अन्त्यमा राम्रो धन प्राप्ति योग छ र सन्तानबाट सुख पाइनेछ ।
मिथुनः बोलीको प्रभाव पर्नेछ । इष्टमित्रबाट केही सहयोग पाइनेछ । धनको मात्रा बढे पनि यात्रामा खर्च हुनेछ । जिम्मेवारी थपिनुका साथै अन्त्यमा भने पारिवारिक तनाव बढ्ने र चिसोबाट समस्या हुनेछ ।
कर्कटः चञ्चलता बढ्नेछ । मनमा शंका बढ्नाले काममा ढिलासुस्ती हुनेछ । मध्यमा भने आकस्मिक धनलाभ एवम् वैवाहिक सुख पाइनेछ । साताको अन्त्यमा स्थान परिवर्तन एवम् विदेशबाट फाइदा मिल्नेछ ।
सिंहः अनावश्यक खर्च बढ्नेछ । यात्रामा सास्ती हुनेछ । साताको मध्यमा भने व्यापारमा फाइदा एवम् धनवृद्धि हुनेछ । सोचेको कुरा बन्ने तथा मानसम्मानमा वृद्धि हुनेछ । राजनीतिबाट राम्रै फाइदा मिल्नेछ ।
कन्याः आम्दानी राम्रो हुनेछ । जग्गाजमीनबाट फाइदा मिल्नेछ । रोजगारीमा अवसर पाइनेछ । मानसम्मान बढ्नुका साथै विदेशबाट फाइदा हुनेछ । ठूलाबडाले साथ दिनेछन् ।
तुलाः काममा प्रशंसा मिल्नेछ । पदोन्नतिको अवसर चल्नेछ । राजनीतिबाट फाइदा एवम् धार्मिक रुचि बढ्नेछ । भाग्यले साथ दिनेछ । साताको अन्त्यमा भने काममा अवरोध एवम् सम्मानमा आघात पुग्नेछ ।
वृश्चिकः वैदेशिक कारोबार बढ्नेछ । ठूलाबडाको आश्वासन मिल्नेछ । साताको मध्यमा भने काम बिग्रिने एवम स्वास्थ्य प्रतिकुल रहनेछ । अन्त्यमा पारिवारिक सुख एवम् यात्राको योग बन्नेछ ।
धनुः काममा अवरोध हुनेछ । मित्रबाट धोका हुनेछ । प्रेममा भने सफलता पाइनेछ । दाम्पत्य जीवनमा खुशियाली बढ्नेछ । अन्त्यमा भने खर्च बढे पनि अधूरा कार्य पूरा हुनेछ ।
मकरः साझेदारी कामबाट फाइदा मिल्नेछ । व्यावसायिक यात्राको अवसर पाइनेछ । विवाहको प्रसंग चल्नेछ । साथीभाइसँग वादविवाद हुनेछ । साताको अन्त्यमा भने अध्ययनमा सफलता एवम् सन्तानबाट खुशी बढ्नेछ ।
कुम्भः प्रतिस्पर्धा बढी गर्नुपर्नेछ । काम बिगार्नेहरु अघि सर्नेछन् । खर्च बढे पनि मुद्दा मामिलामा फाइदा मिल्नेछ । सन्तानको सुख, आकस्मिक धनलाभ हुनेछ । साताको अन्त्यमा भने मानसिक चिन्ता बढ्ने, पारिवारिक समस्याले काममा अवरोध आउनेछ ।
मीनः बुद्धिले सहि निर्णय लिनेछ । व्यवसायमा प्रगति देखिन्छ । अरुको साथ पाइनेछ । साताको मध्यमा स्त्री पक्षसँग मनमुटाव एवम् चिसोबाट समस्या बढ्नेछ । साताको अन्त्यमा यात्राको अवसर जिम्मेवारी वृद्धि एवम काममा तीव्रता रहनेछ ।
प्रस्तुतिः ज्योतिष एवम् वास्तुविद् सुरेन्द्र सापकोटा, सम्पर्कः ९८५१०७१५७४
