त्रिशूलीमा ट्रक खस्यो, चालक बेपत्ता

रत्ननगर । चितवनबाट नुवाकोटतर्फ जाँदै गरेको ट्रक पृथ्वीराजमार्गअन्तर्गत इच्छाकामना गाउँपालिका–४ फिस्लिङबाट त्रिशूली नदीमा खसेको छ ।

दुर्घटनामा ट्रकका चालक धादिङ घर भएका २८ वर्षीय तुलबहादुर गुरुङ बेपत्ता भएका छन् भने सहचालक २० वर्षीय सुरज गुरुङले नदीबाट पौडेर ज्यान बचाएको जिल्ला प्रहरी कार्यालय चितवनका प्रमुख सुशीलसिंह राठौरले जानकारी दिनुभयो ।

आइतबार राति ११ः२५ बजे ना३ख १८३ नम्बरकाे भुस बोकेको ट्रक आफैँ अनियन्त्रित भई नदीमा खसेको थियो । बेपत्ता चालकको खोजीकार्य भइरहेको चितवन प्रहरीले जनाएको छ ।