स्थानीय तहको निर्वाचनका लागि झापामा रहेका राजनीतिक दलले उम्मेदवार छान्न सक्रियता देखाएका छन् । माओवादी केन्द्र र राप्रपाले उम्मेदवार टुंगो लगाएपछि अन्य दल पनि उम्मेदवार छान्न हतारिएका हुन् । एमालेले केही क्षेत्रका लागि नाम सिफारिस गरिसकेको छ भने कांग्रेसले पनि दुई दिनभित्र नाम सिफारिस गरिसक्ने जनाएको छ ।
निर्वाचनको मिति सरेका कारण उम्मेदवार छनौट गतिविधि केही ढिला भएको नेपाली कांग्रेस झापाका सभापति उद्धव थापाले बताए । उनले भने– ‘धेरैका नाम आएका छन् कुन क्षेत्रमा कसलाई चयन गर्ने त्यसको भने यकिन भइसकेको छैन ।’

राप्रपाले चार नगरसहित पाँच स्थानमा उम्मेदवारको टुङ्गो लगाएको छ । बिर्तामोडमा भक्ति सिटौला, मेचीनगर नगरपालिकामा अशोक सुब्बा, दमक नगरपालिकामा राम थापा र भद्रपुरमा नवराज पनेरुको नाम मेयरमा सिफारिस गरेको हो । दमक नगरपालिकाको उपप्रमुखमा रीता श्रेष्ठ, मेचीनगरको उपप्रमुख सबिना बजगाँई, गौरीगञ्ज नगरपालिकाको प्रमुखमा बाबुराजा श्रेष्ठ र हल्दिबारी गाउँपालिकाको प्रमुखका रवीन्द्र लिङ्देनलाई सिफारिस गरेको छ । यता माओवादी केन्द्रले पनि छ वटा स्थानीय तहमा उम्मेदवार टुंगो लगाएको छ । तीन नगरपालिकासहित उनले ६ स्थानीय तहमा उम्मदवारको टुंगो लगाएको केन्द्रीय इञ्चार्ज झलकसिंह दर्लामीले बताए ।

दर्लामीका अनुसार दमक नगरपालिकामा गगन पुरी, उपमेयरमा शान्तिदेवी धिमाल, अर्जुनधारा नगरपालिकाको मेयरमा भूपेन्द्र न्यौपाने, उपमेयरमा सुनिता तामाङ, मेचीनगरमा हंशलाल राजवंशी र इन्दिरा कार्कीको नाम चयन भएको छ । यता झापा गाउँपालिकामा रुद्र बजगाँईको नाम चयन भएको छ । पवित्रा राजवंशीलाई उपाध्यक्षमा नाम सिफारिस गरिएको बताइएको छ । कमल गाउँपालिकामा बिमल संग्रौला अध्यक्ष र गौरी राईलाई उपाध्यक्षका लागि चयन गरिएको छ ।

कचनकवल गाउँपालिकामा हंशनारायण राजवंशी अध्यक्ष र ईश्वरीमाया गनगाईलाई उपाध्यक्ष बनाउने बताइएको छ । नेकपा एमालेले कचनकवल नगरपालिकामा शेरबहादुर खत्रीलाई अध्यक्ष र धनमाया दाहाललाई उपाध्यक्षमा उठाउने निर्णय गरेको बताइएको छ । झापा गाउँपालिकाको अध्यक्षमा गजेन्द्र ताम्ली र उपाध्यक्षमा कुन्तीदेवी बुढाथोकीको नाम सिफारिस भएको बताइएको छ । बुद्धशान्ति गाउँपालिकाको अध्यक्षमा चिन्तन पाठकको नाम प्रदेश कमिटीमा पठाइएको छ । त्यस्तै मेचीनगर नगरपालिकाको मेयरका लागि गोपाल बुढाथोकी, विष्णु प्रसाईं र शारदा शर्मा तथा उपप्रमुखमा मीना पोखरेल उप्रेती, कल्पना ओली, सुभद्रा अर्याल, दुर्गा डाँगी, सविता दाहाल र संगीता थापाको नाम सिफारिस भएको छ ।

भद्रपुरको मेयरमा जीवनकुमार श्रेष्ठ र यामबहादुर श्रेष्ठ तथा उपप्रमुखमा चन्द्रा श्रेष्ठ र तुलसा राजवंशीको नाम सिफारिस भएको छ । बिर्तामोड नगरपालिकाको मेयरमा उमानाथ ओली, चन्दा सेढाई, ज्ञानुराम प्रसाईं, एकराज कार्की, हरि ओझा, लोकबन्धु कन्दङ्वा, हरिचरण शिवाकोटी र धु्रव शिवाकोटीको नाम सिफारिस भएको छ । उपमेयरमा भने पवित्रा महतरा, पवित्रा पाठक, उर्मिला खरेल, टीका खरेल, भीमा शिवोकाटी, दुर्गा सिग्देल, पुष्पा दाहाल र सीमा ढुंगानाको नाम सिफारिस भएको छ ।

कनकाई नगरपालिकाको मेयरमा चन्द्रमोहन, बृहस्पति उप्रेती, राजेन्द्र पोखरेल र हीरा थापाको नाम सिफारिस भएको छ । उपप्रमुखमा सीता बस्नेत, मञ्जु प्रसाईं, नर्वदा संग्रौला र शोमा भण्डारीको नाम सिफारिस भएको छ । दमकको मेयरमा रोमनाथ ओली, अम्बिका खनाल, इन्द्र बुढाथोकी र तारा ढकालको नाम सिफारिस भएको छ । उपप्रमुखमा सुमित्रा भण्डारी, लीला दाहाल, नेत्रकुमारी धिमाल, सुमित्रा प्रसाईंको नाम सिफारिस भएको बताइएको छ ।

यता गौरादह नगरको मेयर पदमा ११ जनाको नाम सिफारिस भएको छ । हिक्मत कार्की, मदन अधिकारी, कालिदास श्रेष्ठ, छत्रपति सुवेदी, बलबहादुर तामाङ, मीना ढकाल, मित्रदेव काफ्ले, योगराज दाहाल, राजेन्द्र सुवेदी र लीला कट्टेलको नाम सिफारिस भएको बताइएको छ । त्यसैगरी उपमेयर पदमा भने शारदा पराजुली, गीता, भेटवालको नाम सिफारिस भएको जनाइएको छ । अर्जुनधारा नगरको मेयरमा हरिकुमार राना, प्रेम सागर सापकोटा, कुन्दन भट्टराईलाई सिफारिस गरिएको बताइएको छ । उपमेयरमा कमला आचार्य, देवीमाया भट्टराई र कमला घिमिरेको नाम सिफारिस गरेको छ ।
शिवसताक्षी नगरपालिकाको मेयरमा रोशन थोप्रा, चन्द्र शेर्मा, राधाकृष्ण खनाल र धनबहादुर थेवेको नाम सिफारिस भएको छ । उपमेयरमा भोजकुमारी नेपाली, यशोदा बिमली, मनमाया तिवारीको नाम सिफारिस भएको बताइएको छ –