सर्जन जेरोम अदाम्स अमेरिकाका वरिष्ठ चिकित्सक हुन् । अब उनी ट्विटरमा आएर कोरोनाभाइरसबारे आफूलाई लागेका तर्कहरु सेयर गरिरहेका छन् ।
उनले पछिल्लो समय भएको मास्क लगाउने विषयको कन्फ्युजनलाई हटाउन भनेका छन्– मास्क लगाउनुहोस् ।
‘मास्क लगाउनु जहिले पनि तपाईंको छिमेकीलाई बचाउनु हो, आफूलाई भन्दा पनि,’ उनले ट्विटरमा लेखेका छन् ।
उनले जति मानिसहरुले मास्क लगाउँछन्, उनीहरुले निश्चित क्षेत्रमा कोभिड १९ संक्रमण फैलाउने सम्भावना कम हुने पनि बताएका छन् । ‘जे तपाईंको छिमेकीलाई फाइदाजनक हो,’ उनले भनेका छन्, ‘तपाईंलाई पनि हो ।’
२ वर्षभन्दा माथिका मानिसले मास्क लगाउनु सुरक्षित हुने र आफूले अपरेसन थिएटरमा सधैं मास्क लगाउने उनले बताएका छन् ।
प्रतिक्रिया
सम्बन्धित खवर
