कोभिड–१९ गराउने भाइरस चीनको वुहानमा रहेको प्रयोगशालाबाट चुहिएको हुन सक्ने अमेरिकाकी एक स्वास्थ्य अधिकारीले बुधवार स्वीकार गरेकी छन् ।
अमेरिकी संसद्को तल्लो सदन हाउस अफ रिप्रेजेन्टेटिभ्सका रिपब्लिकन सांसदहरूले पनि भाइरस वुहानको प्रयोगशालाबाट शुरू भएको हुन सक्ने परिस्थितिजन्य प्रमाण रहेको दाबी गर्दै प्रतिवेदन प्रकाशन गरेका छन् ।
चीनमा भूलवश भाइरस चुहिएको हुन सक्ने भनी गरिएका अनुमानलाई अमेरिकी सरकारले निरुत्साहित गर्न खोजेको छ । तर बेइजिङलाई थप पारदर्शी हसन पनि उसले भनेको छ ।
बाइडन प्रशासनका आलोचकहरूले पूर्ण सत्य सरकारले नबताएको आरोप लगाइरहेका छन् । अनि चीन रिसाउला भनी यस विषयलाई जोडतोडका साथ नउठाएको पनि उनीहरूको भनाइ छ ।
अमेरिकाको सेन्टर्स फर डिजीज कन्ट्रोल यान्ड प्रिभेन्सन (सीडीसी) की निर्देशक डा रोशेल वालेन्स्की बुधवार संसदमा अर्को वर्षका लागि बजेटको सुनुवाइका क्रममा सिनेटमा उपस्थित भएकी थिइन् ।
उनलाई लुइजियानाका सिनेटर जोन केनेडीले महामारी कसरी आरम्भ भयो भनी सोधेका थिए ।
प्रयोगशालाबाट उत्पत्ति भएको हुन सकने एउटा सम्भावना हो, वालेन्स्कीले बताइन् ।
प्रतिक्रिया
सम्बन्धित खवर
