लण्डन– बेलायतका प्रधानमन्त्री बोरिस जोनसनले एक वर्षपछि आफ्नी प्रेमिका केरी साइमन्ड्ससंग विवाह गर्ने भएका छन् ।
द सनको रिपोर्ट अनुसार जोनसन र साइमन्डस २०२२ को जुलाई ३० मा विवाह गर्ने भएका छन् ।
दुबैले आफ्ना नजिकका सबैलाई निमन्त्रणा पनि पठाइसकेका छन्, तर विवाहस्थल भने खुलाएका छैनन् ।
२०२० फेब्रुअरीमा जोनसनले उनकी प्रेमीका केरीसंग स्वयंवर गरेका थिए ।
दुबैले आफुहरु छिट्टै विवाह बन्धनमा बाँधिने बताएका थिए ।
बोरिस ५६ वर्षका भए भने उनकी प्रेमिकाको उमेर ३३ वर्ष रहेको छ ।
२०१९ मा प्रधानमन्त्री बनेका जोनसन र साइमन्ड्स डाउनिङ स्ट्रिटमा संगै बस्दै आएका छन् भने दुवैको एउटा छोरा पनि छ, जसको नाम भिल्फ्रेड लरी निकोलस जोनसन रहेको छ ।
एक वर्ष अगाडि उनीहरु आमा–बुबा बनेका हुन् ।
जोनसनको पहिलो विवाह मारिना व्हीलरसंग भएको हो र दुवैको चार जना सन्तान छन् ।
विवाह भएको २५ वर्षपछि २०१८ सेक्टेम्बरमा जोनसन र मारिनाले सम्बन्ध विच्छेद गर्ने घोषणा गरको थिए ।
मरिनासंग सम्बन्ध विच्छेद गरेपछि जोनसनले एलेग्रा मोस्टिन–ओभेनसंग दोस्रो विवाह गरेका थिए ।
जोनसनको पत्रकार पेट्रोनेला भायट र एना फजेकेरलेसंग पनि प्रेम सम्बन्ध रहेको खबर बाहिरिएको थियो ।
एजेन्सीको सहयोगमा
प्रतिक्रिया
सम्बन्धित खवर
