अमेरिका र उत्तर कोरियाका नेताहरूबीच मंगलबार लागि निर्धारित भएको शिखरवार्ताका लागि उत्तर कोरियाली सर्वोच्च नेता किम जोङ-उन र अमेरिकी राष्ट्रपति डोनल्ड ट्रंप आइतवार नै सिङ्गापुर पुगिसकेका छन् ।
दुवै नेताहरूलाई विदेशमन्त्री भिभियन बालाकृष्णनले स्वागत गरेका थिए।
सिङ्गापुर पुग्नासाथ ट्रंपले ट्विटमार्फत त्यहाँ पुगेकोमा उत्साहित रहेको जनाएका छन् । मंगलवार राष्ट्रपति ट्रंपको ७२ औँ जन्मदिन पनि हो र यसका लागि सिङ्गापुरक प्रधानमन्त्रीले त्यहाँको राष्ट्रपति निवास ‘इस्टाना’मा उनलाई जन्मदिनको पूर्वअवसरमा केक समेत उपहार दिएका छन् । बैठक ‘धेरै रोचक’ हुनेछ भनेर ट्रंपले आफ्नो ट्विटमा लेखेका छन्।
किमसँग सोमवारको लागि कुनै विशेष कार्यक्रम छैन। उनले सिङ्गापुरका प्रधानमन्त्री ली सेन लुङ्सँग हिजै भेटवार्ता गरिसकेका छन् ।
ट्रंप र किम अन्तर्राष्ट्रिय मिडियासामु स्थानीय समय अनुसार बिहान ९ बजे (नेपाली समय अनुसार बिहान सवा ११ बजे) एक अर्कालाई भेट्ने छन् । वार्ता चाँडो-चाँडो सम्पन्न गर्ने कार्यक्रम रहेको छ। समाचार अनुसार उत्तर कोरियाली प्रतिनिधि मण्डल स्थानीय समय अनुसार दिनको २ बजे (नेपाली समय अनुसार सवाँ ४ बजे ) स्वदेश प्रस्थान गर्ने कार्यक्रम रहेको छ।
यस अघि उत्तर कोरियाली सरकारी मिडियाले दुई देशबिचको वार्तापछि उनीहरूको देशले संयुक्त राज्य अमेरिकासँग ‘नयाँ सम्बन्धहरु स्थापना’ गर्ने जनाएको छ ।
ट्रंप र किमबीच ऐतिहासिक भेटवार्ताको पूर्वसन्ध्यामा वर्कर्स पार्टी अफ कोरियाको केन्द्रीय समितिद्वारा प्रकाशित गरिने समाचारपत्र ‘रोदोङ सिन्मुन’को सम्पादकीयमा किमले यस भेटवार्ताबाट ‘नयाँ युगका चुनौतीहरू’ सम्बोधन गर्न खोजेको जनाएको छ।
प्रतिक्रिया
सम्बन्धित खवर
