काठमाडौं, २० असार – भारतको झारखण्डस्थित सरायकेला–खरसावाँ जिल्लामा मंगलवार एक सरकारी विद्यालयमा ५० वर्षीया शिक्षिकालाई एक युवकले टाउको काटेर हत्या गरेको खबर छ ।
हत्यापछि उक्त युवक शिक्षिकाको काटिएको टाउको लिएर गाउँमा दौडिएको थियो । यो देखेका गाउँलेहरू आत्तिएर भागाभाग गरे ।
शिक्षिका सुकरू हेसाले विद्यार्थीहरूलाई फिजिकल ट्रेनिङका बारेमा जानकारी दिइरहेकी थिइन् । त्यतिखेर २० वर्षीय आरोपी हरि हेम्ब्राम खपरसाय मिडल स्कूलमा चिच्याउँदै पुगे ।
प्रत्यक्षदर्शीहरूका अनुसार, उनले शिक्षिकालाई भुइँमा लडाए । अनि तरवारले उनीमाथि आक्रमण गरे । शिक्षिकाको घटनास्थलमै मृत्यु भयो ।
आरोपी हेम्ब्रामले त्यसपछि तरवार र काटिएको टाउको लिएर गाउँमा दौडिन थाले ।
प्रहरीले हत्याको कारणका बारेमा सोधखोज गरिरहेको छ । आरोपी मानसिक रोगी हुनसक्ने प्रहरीको भनाइ छ ।
प्रतिक्रिया
सम्बन्धित खवर
