आज फेरि सुनको मूल्य तोलामा कतिले बढ्यो ?

काठमाडौं, फागुन ३ । साताको अन्तिम दिन अर्थात शुक्रबार नेपाली बजारमा सुनको मूल्य चार सय रुपैयाँले बढेको छ ।

बिहीबार बजारमा सुन तोलामा ६१ हजार ७ रुपैयाँमा कारोबारमा भएको थियो भने आज फेरि बढेर सुन तोलामा ६२ हजार १ सय रुपैयाँमा कारोबार भइरहेको नेपाल सुनचाँदी व्यवसायी महासंघले जानकारी दिएको छ।

त्यस्तै, बिहीबार तेजावी सुन तोलामा ६१ हजार ४ सय रुपैयाँमा कारोबार भएको थियो भने आज फेरि बढेर ६१ हजार ८ सय रुपैयाँमा कारोबार भइरहेको छ ।

शुक्रबार पनि चाँदीको मूल्यमा कुनै परिवर्तन भएको छैन ।

बिहीबार चाँदी तोलामा ७६५ रुपैयाँमा कारोबार भएको थियो भने आजपनि चाँदी तोलामा ७६५ रुपैयाँमै कारोबार भइरहेको जनाएको छ ।