दमक/झापा दमकका पुराना यातायात ब्यवसायि तथा सामाजिक ब्याक्तित्व गंगाप्रसाद सिटौलाले वडाध्यक्षमा उम्मेदवारी दिने घोषणा गरेकाछन् । नेपाली काँग्रेससंग आवद्ध रहेका सिटौलाले आफू पार्टीबाटै उम्मेदवार बन्ने जनाउदै यसका लागि पार्टीका जिम्मेवार तहमा कुरा राखिसकेको जनाएकाछन् । सवाल नेपाल मार्फत उनले दमकको वडा नं. ६ को वडाध्यक्षमा आफ्नो उम्मेदवारी रहेको जनाएकाहुन् । सिटौला दमकको सामुदायिक प्रहरीको उपाध्यक्ष समेत भइसकेका ब्याक्तिहुन् । अहिलेसम्म काँग्रेसबाट आफूले केहि पनि  नमागेको भन्दै अव जनप्रतिनिधिको रुपमा काम गर्नका लागि पार्टीका जिम्मेवार तहका ब्याक्तित्वहरुसंग पनि यस बिषयमा जानकारी गराइसकेको सिटौलाले जनाए ।