दमक/स्थानीय तहको निर्वाचनमा झापाको दमकमा वडाध्यक्षमा निक्कै रस्साकस्सि हुने निश्चित देखिएको छ । राप्रपाका राजकुमार योङ्याले आफ्नो वडाध्यक्षमा दाबी रहेको बताएकाछन् । उनले सवाल नेपाल मार्फत उम्मेद्वारी घोषणा गर्दै आफू सकेसम्म ब्याक नहुने जनाए । यहाँबाट राप्रपामा सबैभन्दा धेरै चर्चा ताराप्रसाद अधिकारीको रहेको थियो । योङ्याले आफूले पहिलादेखि नै वडाध्यक्षमा दाबी गर्दै आएको र अहिले पनि त्यो दाबी कायमै रहेको जनाए । दमक उद्योग बाणिज्य संघको निर्वाचनमा उनले कार्यसमिति सदस्यमा राम्रो मत ल्याएर जितेका थिए । उनले अब जिम्मेवारी युवामा दिनु पर्ने भएकाले यसमा आफू लागिपरेको उनले जनाए ।