अन्तराष्ट्रिय

पाकिस्तानसँग युद्ध नगर्न भारतलाई अमेरिकाको चेतावनी


      २०७३ आश्विन ९, ०८:३७

९,असोज,काठमाडौं। काश्मिरको उरीमा भारतीय सैनिकमाथि भएको हमलापछि भारत र पाकिस्तानबीच चर्किएको विवादका बीच विश्वकै एक शक्ति राष्ट्र अमेरिकाले युद्धको बाटो नरोज्न दुबै आग्रह गरेको छ ।  अमेरिकाको प्रमुख पत्रिका न्यूयोर्क टाइम्सले शुक्रबारको सम्पादकीयमा यदि दुई देशबीच युद्ध भए यसबाट भारतलाई ठूलो नोक्सान हुने चेतावनी समेत दिएको छ ।

सम्पादकीयमा अमेरिकी सरकारको धारणासमेत जोडेर भारतलाई पाकिस्तानसँग युद्ध गर्ने खेलमा नलाग्न सुझाव दिँदै यदि भारतले पाकिस्तानसँग युद्ध गर्छु भनेर सोच्यो भने यसबाट उसैलाई नै नोक्सान हुनेमा सचेत गराइएको छ । भारत र पाकिस्तानको परमाणु शक्तिको चिरफार गर्दै भनिएको छ– ‘यदि दुई देशबीच चलिरहेको विवादले युद्धको रुप लियो भने यो निकै घातक हुनेछ । भारतले बदला लिन कारवाही गरेमा यसले पाकिस्तानलाई जवाफी कारवाहीमा उत्रन बाध्य पार्नसक्छ ।

यो जटिल स्थिती हुनसक्छ । सम्पादकीयले भारत र भारतीय नेतालाई बदलाको भावना त्याग्न सुझाव दिएको छ । अमेरिकी पत्रिकामा पाकिस्तानलाई पनि संयमितता अपनाउन सुझाव दिइएको छ । आतंकवादविरुद्ध सबै राष्ट्र एकजुट हुनुपर्नेमा जोड दिइएको छ ।

फेसबुकमा तपाईको प्रतिक्रिया

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु