काठमाडौं, १० असोज । त्रिशुली नदीमा जीप खसेर वेपत्ता भएका पूर्वगृहमन्त्री माधवप्रसाद घिमिरे लगाएत तीन जनाको खोजी कार्य जारी रहेको छ । वेपत्ताको खोजीका लागि करिब दुई सय सुरक्षाकर्मी परिचालन भएका छन् । आइतबार रातभर खोजी गरिए पनि जीप र घिमिरे परिवारका सदस्य फेला परेका छैनन् । र, खोजी कार्य बिहान पनि जारी राखिएको प्रहरीले जनाएको छ । दुर्घटनास्थलमा सोमबार यातायात मन्त्री रमेश लेखक पुगेका छन् । उनले दुर्घटनास्थलको अवलोकन र वेपत्ताहरुको खोजी कार्यबारेमा जानकारी लिएका छन् । मुग्लीनबाट काठमाडौं तर्फ आउँदै गरेको जीप आइतबार साँझ पाँच बजे घोप्टेभीरबाट करिब तीन सय मिटर तल त्रिशुली नदीमा खसेको थियो । दुर्घटनामा घिमिरेकी आमा ८० वर्षीय चैत्यकुमारी घिमिरे, अंगरक्षक रामचन्द्र कार्की र आफन्त नारायणप्रसाद काफ्लेको निधन भएको थियो ।