युवाको साथ र जेष्ठ बुबाआमाको भावानालाइ समेटेर अघि बढ्ने इन्द्र गुरुङको प्रतिबद्धता

दमक/झापा दमकमा इन्द्र गुरुङ खास नयाँ नाम होइन । झापा साविक १० र हाल दमक ५ नम्बर वडामा उनको बसोबास पुरानो हो । उनि बाल्यकाल देखि नै राजनीतिमा लागे । यूवा राजनीतिमा सक्रिय रहे । संगसंगै ब्यवसायि छबि पनि बनाए । राजनीतिमा उनको प्रवेस अनेरास्वबियूबाट भयो । प्रजातन्त्र आउनु अघि २०४५ सालमा उनले बिद्यार्थी संगठनमा लागे । २०४७ सालमा एसएलसी पास गरेपछि दमक बहुमुखि क्याम्पसमा अध्ययन गर्दा प्राक अध्यक्ष, २०५१ सालमा भएको स्वबियू निर्वाचनमा उपसभापति जिते । उनि जिल्ला हुदै अञ्चल र केन्द्रसम्म पनि नेतृत्व गरे । त्यसपछि उनि यूवा राजनीतिमा प्रवेस गरे । युवा संघको दमक नगर अध्यक्ष हुदै जिल्ला सदस्य र केन्द्रिय अनुशाषन आयोगको सदस्य सम्म बने । इमान्दार ब्याक्तिको पहिचान बनाएका उनि कहिल्यै पनि बिचलित भएनन् । आफ्ना लागि भन्दा अरुका लागि लड्ने उनि नेकपा एमाले अर्थात पार्टीमा २०५४ सालदेखि संगठित भएर लागे । दूइ कार्यकाल नगर कमिटी सदस्य तथा वडा इन्चार्ज भएर आफ्नो जिम्मेवारी निभाएका थिए । त्यहि भएर उनि अहिले दमक नगर कमिटी सचिब रहेकाछन् । उनले अब नयाँ जिम्मेवारीका लागि पार्टीले रोजेको छ । सर्वसम्मत रुपमा दमक ५ को वडाध्यक्षको उम्मेदवार बनाएको छ । यो वडा नेकपा एमालेका पार्टी अध्यक्ष तथा पूर्व प्रधानमन्त्री केपी शर्मा ओलीको वडा भएकाले महत्वका साथ हेरिएको छ । उनले आफू यस वडाको बिकासको लागि आफ्नो उम्मेदवारी भएको बताउछन् । युवालाइ समेटेर र पाका ब्याक्तिहरुलाइ साथमा लिएर नगरका हरेक समस्याहरुसंग जुध्नका लागि तयार रहेको उनि बताउछन् । यूवाको मर्म र जेष्ठ बुबाआमाको भावानालाइ संगसंगै लिएर दमकको सम्बृद्धिमा तथा त्यसमा पनि आफ्ना वडाका सडक, बिजूली, खानेपानी, सुकुम्बासी समस्या, ढल लगायतका बिषयमा आफू जानकार रहेकाले वडाबासीका चाहाना अनुसार काम गर्ने उनले बताएकाछन् ।