नेकपा माओवादी केन्द्रले स्थानीय तहको निर्वाचन केन्द्रीत ३० बुदे प्रतिवद्धता पत्र सार्वजनिक गरेको छ ।  पार्टी कार्यालय परेसडाडाँमा पत्रकारसम्मेलन आयोजना गरेर माओवादी केन्द्रले घोषणा पत्र सार्वजनिक गरेको हो । १६ पृष्ठ लामो प्रतिवद्धतापत्रमा माओवादीले संविधानसभा र संघीयता पार्टीको योजना भएका कारण मतदाताले आफ्नो दललाई मतदान गर्ने दावी गरेको छ । माओवादीले द्वन्द्वकालीन मुद्दा मेलमिलापद्वारा समाधान गर्ने उल्लेख गरेको छ ।

माओवादीले तल्लो निकायले नै स्रोत अनुसार काम गर्ने उल्लेख गरेको छ । अरु पार्टीले जस्तो आफूहरुले हावादारी तरिकाबाट घोषणापत्र नवनाएको माओवादीले जनाएको छ ।  माओवादीले सीमा अतिक्रमण र स्वाधीनताको रक्षाका लागि भारसँग खुला सीमाक्षेत्रसँग जोडिएका नगर वा गाउँपालिकाहरुमार्फत सीमा सुरक्षा र जनसांख्यिक अतिक्रमण हुन नदिने नीति अवलम्बन गरिने जनाइएको छ ।  सीमावर्ती क्षेत्रका स्थानीय जनतालाई सीमा सुरक्षाको जनआधारको रुपमा विकास गर्न जोड दिइने जनाएको छ ।