काठमाडौं । केही दिनदेखि निरन्तर रुपमा उकालो लागेको सुनको भाउ आज (बुधबार) घटेको छ ।
मंगलबार तोलामा ३ सय रुपैयाँ बढेको सुन आज बुधबार ५ सय रुपैयाँ घटेको हो ।
आज छापावाल सुन प्रतितोला ७४ हजार ८ सय तथा तेजावी सुन ७४ हजार ५ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।
मंगलबार छापावाल सुन प्रतितोला ७५ हजार ३ सय तथा तेजावी सुन प्रतितोला ७५ हजार रुपैयाँमा कारोबार भएको थियो ।
आज सुनको भाउसँगै चाँदीमा पनि तोलाको १५ रुपैयाँ घटेको छ ।
आज चाँदी प्रतितोला ८ सय ८० रुपैयाँमा कारोबार भईरहेको छ।
मंगलबार चाँदी ८ सय ९५ रुपैयाँमा कारोबार भएको थियो ।
