स्वच्छतामा ध्यान
-खाना बनाउनुअघि र बनाउँदै गरेका वेला अनिवार्य हात धुनुहोस् ।
-खाना बनाउन प्रयोग गरिने भाँडाकुँडा र चुलो आदि राम्ररी सफा गर्नुहोस् ।
-भान्साकोठालाई झिँगा, मच्छरजस्ता किराबाट मुक्त राख्नुहोस् ।
काँचा खानेकुरालाई अलग्गै राख्नुहोस्
-अण्डा, काँचो मासुजस्ता नपकाइएका खाद्य वस्तुलाई अलग राखौँ ।
-पकाएका र काँचा खानेकुरालाई अलग–अलग राखौं ।
खानेकुरा राम्रोसँग पकाउने गरौँ
-माछामासु, अन्डालाई राम्रोसँग पकाएर मात्र खाने गरौँ ।
-मासुको झोल बनाउँदा गुलाबी रङ हट्ने गरी राम्रोसँग उमालौँ ।
-पकाएर राखेका खानेकुरा पुनः खानुअघि राम्रोसँग तताऊँ ।
खानेकुरालाई सुरक्षित राखौँ
-पकाएका खानेकुरा कोठाको सामान्य तापक्रममा दुई घन्टाभन्दा बढी नराखौँ ।
-चाँडै बिग्रिने खानेकुरा पाँच डिग्री सेल्सियसभन्दा कम तापक्रमको फ्रिजमा राखौँ । त्यस्ता खानेकुरा खानुअघि राम्ररी तताउनुहोस् ।
सफा पानी र स्वच्छ भोजन सामग्री
-सधैँ स्वच्छ पानी पिउनुहोस् । पानीलाई पिउनयोग्य बनाउने विधि प्रयोग गरौँ ।
-ताजा र पौष्टिक खाद्य सामग्री मात्र खाने गरौँ । फलफूल खानुअघि राम्ररी धुनुहोस् ।