चितवनको भरतपुर महानगरपालिकामा कांग्रेस(माओवादी गठबन्धनबाट मेयरमा पदमा उम्मेदवार बनेकी रेणु दाहाल एमाले उम्मेदवार देवी ज्ञवालीभन्दा १५ सय ५२ मतले पछाडि परेकी छन् । माओवादी केन्द्रका अध्यक्ष प्रचण्डपुत्री रेणुले २५ सय १४ मत ल्याउँदा ज्ञवालीले ४ हजार ६६ मत ल्याएर अग्रता कायमै राखेका छन् । महानगरपालिकाको २९ वडामध्ये वडा नम्बर १ र २ को गणना पूरा भइसकेको छ । अहिले वडा नम्बर ३ को गणना जारी छ । वडा नम्बर ३ एमालेभन्दा कांग्रेसको बलियो क्षेत्र मानिन्छ । यो वडाको मतगणना सकिएपछि मतअन्तरको आधारमा कसको पल्ला भारी भनेर थप विश्लेषण गर्न सकिन्छ ।