#
अन्तराष्ट्रिय

कोरोनाविरुद्धको खोप विश्वभर पुर्‍याउन ८ हजार जम्बो जेट आवश्यक

  एजेन्सी   २५ भाद्र २०७७, बिहीबार १६:०१

काठमाडौं । कोरोना भाइरसविरुद्धको खोप विश्वभर पुर्‍याउनु अहिलेसम्मकै चुनौतीपूर्ण काम हुने एयरलाइन्स उद्योगहरुले बताएका छन् ।

अन्तर्राष्ट्रिय एयर ट्रान्सपोर्ट एसोसियसन (आईएटीए) ले विश्वभर कोरोनाविरुद्धको खोप विश्वभर पुर्‍याउन ८ हजार बोइङ ७४७ जहाज आवश्यक पर्ने बताएको छ ।

हालसम्म कोरोनाविरुद्धको खोप उपलब्ध भइसकेको छैन । तर, आईएटीएले विश्वभर पुर्‍याउनका लागि एयरलाइन्स, एयरपोर्ट, विश्वव्यापी स्वास्थ्य संस्थाहरु र औषधि प्लेटफर्महरुसँग परामर्श गरिरहेको छ ।

वितरण कार्यक्रम अन्तर्गत हालसम्म एकजनालाई एक डोज आवश्यक पर्ने अनुमान गरिएको छ ।

“सुरक्षितरुपमा कोभिड-१९ खोपहरु पुर्‍याउन विश्वव्यापी एयर कार्गो उद्योगको लागि शताब्दीको ठूलो मिसन हुनेछ । तर सावधानीपूर्वक योजना बिना सफल र सम्भव हुनेछैन । त्यसकारण अहिले समय भएकोले योजना बनाउन आवश्यक छ,” आईएटीएका प्रमुख कार्यकारी एलेक्जेन्डरे डी जुनाइकले भने । – बीबीसी

सवालनेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला।

फेसबुकमा तपाईको प्रतिक्रिया

Leave a Reply

Your email address will not be published. Required fields are marked *

सम्बन्धित शीर्षकहरु