राजा र योजनाले ल्याए ‘थोत्रे साइकल’

काठमाडौं । गायिका योजना पुरी र गायक राजा खतिवडाको स्वर रहेको गीत ‘थोत्रे साइकल’ सार्वजनिक भएको छ । भिडियोसहित सार्वजनिक गीतमा प्रेमकथा व्यक्त गरिएको छ । पुस्कर खतिवडाको शब्द र संगीत रहेको गीतमा ओम सुनारको संगीत संयोजन रहेको छ ।

युवा युवतीको बीचको प्रेम र आकर्षण प्रस्तुत गरिएको भिडियोमा गायक राजा र सृजु ढुंगाना मुख्य अभिनय रहेको छ । राजन मोक्तान, हेमलाल घिमिरे र सफल पुरीको समेत अभिनय भिडियोमा देख्न सकिन्छ । ईलामको रमणीय चिया बगानको दृश्य समावेश गरिएको म्युजिक भिडियोमा ओम प्रसाईले छायाँकन, नविन निरौलाको सम्पादन र जीवन शाहीको निर्देशन रहेको छ ।

https://youtu.be/LYFVBudXHbM