धनगढी – बैतडीमा गोली प्रहार गरेर आफ्नै छोरीको हत्या गर्ने व्यक्तिलाई प्रहरीले चार दिन पछि नियन्त्रणमा लिएको छ।माघ २४ गते आफ्नै छोरीलाई गोली प्रहार गरि हत्या गर्ने पुर्चौडी नगरपालिका–१० का धनसिह महरालाई प्रहरीले नियन्त्रणमा लिएको हो।माघ २४ गते साँझ भरुवा बन्दुकको गोली प्रहार गरेर २० वर्षीया विवाहित छोरी बेलमती महराको हत्या गरेका थिए। महराले श्रीमतीसँग भएको विवादका क्रममा माइतीघरमा आएकी छोरीमाथि गोली चलाएका थिए ।गोली प्रहार गरेर हत्या गरेका महरा गोली लोड गरेको बन्दुक लिएर फरार भएका थिए। यसैबिच महराले आफ्नै घरमा आगजनी समेत गरेका थिए। महराका २ श्रीमती छन् । कान्छी श्रीमतीसँग उनको विवाद भएको थियो ।

प्रतिक्रिया

सम्बन्धित खवर