दमक । पानीमा डुबेर झापाको कमल गाउँपालिकामा एक बालकको मृत्यु भएको छ ।इलाका प्रहरी कार्यालय दमकका अनुसार कमल गाउँपालिका वडा नं। ६ का सन्तोष भण्डारीका ६ वर्षीय छोरा सुयोग भण्डारीको डुबेर मृत्यु भएको हो । घर नजिकैको पोखरीमा डुबेर सिकिस्त भएका बालकको शुक्रवार राति उपचारका क्रममा मृत्यु भएको प्रहरीले जनाएको छ । शुक्रवार बेलुका बजेतिर हराएका बालकलाई राति ७ बजेतिर पोखरीमा डुबेको अवस्थामा फेला पारिएको र दमकको लाइफलाइन अस्पतालमा उपचारका क्रममा मृत्यु भएको प्रहरी नायव उपरीक्षक नवराज कार्कीले बताए । प्रहरीले घटनाका बारे आवश्यक अनुसन्धान सुरु गरेको जनाइएको छ ।