स्याङजा : १३ वर्षीया बालिकालाई जबरजस्ती करणी गरेर गर्भवती बनाएको आरोपमा ३३ वर्षीय एक युवक पक्राउ परेका छन्। स्याङजाको हरिनास गाउँपालिकाका भेलबहादुर थापाले बालिकालाई जबरजस्ती करणीपछि गर्भवती बनेको भन्ने उजुरीका आधारमा पक्राउ गरिएको प्रहरी नायव उपरीक्षक राजेन्द्र अधिकारीले जानकारी दिए। गएको कात्तिक १२ गते साँझ थापाले ती बालिकालाई जबरजस्ती करणी गरेको बताइएको छ। आरोपित थापालाई पक्राउ गरी आइतबार जबरजस्ती करणी सम्बन्धी मुद्धामा अदालतबाट ५ दिनको म्याद थप गरी अनुसन्धान सुरु गरिएको प्रहरीले जनाएको छ।