अमेरिकाको मेरील्यान्डमा कारभित्र बसिरहेका एक व्यक्तिले ओठमा बलिरहेको चुरोट च्यापेर हातमा स्यानिटाइजर दल्दा विस्फोट भएर कार खरानी भएको छ ।
फेडरल प्लाजा शपिङ सेन्टरको पार्किङ लटमा बिहीवार अपराह्न कारमा बलिरहेको चुरोट र स्यानिटाजरको सम्पर्कले विस्फोट गराएको हो ।
विज्ञापन (ADVERTISEMENT)
चुरोटको झिल्कोले स्यानिटाइजरलाई टिपेपछि कार पड्केको मन्टगोमरी काउन्टी फायर यान्ड रेस्क्युले जनायो ।
कालो टोयोटा कारमा आगो लागेपछि अग्निनियन्त्रकहरूले त्यसलाई निभाएका थिए ।
तर कार क्षतिग्रस्त भएको छ र कारचालकको हात र तिघ्रा डढेको छ । उनलाई स्थानीय अस्पताल लगिएको थियो ।
‘हावा राम्ररी आउनजान नपाउने कारभित्र स्यानिटाइजर प्रयोग गर्दै चुरोट सल्काउनु खतरनाक काम हो,’ दमकल विभागका प्रवक्ताले बताए ।
