खोटाङ, १६ असार । रुपाकोट मझुवागढी नगरपालिका– १३ नुनथलामा नेकपा माओवादी केन्द्रको प्यानल विजयी भएको छ ।
माओवादी केन्द्रको तर्फबाट वडा अध्यक्षका उम्मेदवार भीम राईले २९५ मत ल्याएर विजयी भएका हुन भने उनका निकतम प्रतिद्वन्द्वी नेपाली काँग्रेसका जगवीर तामाङले १८० मत प्राप्त गरेका थिए ।
वडाका अन्य सदस्यमा पनि माओवादी केन्द्रकै उम्मेदवार विजयी भएका छन् । २६ हजार २८३ मतदाता रहेको नगरपालिकामा १७ हजार ४४ मत खसेको जनाइएको छ ।
प्राप्त मतपरिणाम अनुसार वडा नम्बर १, ७ र ११ मा नेपाली काँग्रेसका उम्मेदवार विजयी भएका छन् भने वडा नम्बर ६, १२ र १३ मा माओवादी केन्द्रको प्यानल विजयी भएको छन् ।
