कमल गाउँपालिकाको वडा नं. ३ मा एमालेले वडाध्यक्ष सहित पुरै प्यानल नै जित हासिल गरेको छ ।
वडा नम्बर ३ को अध्यक्षमा नेकपा एमालेका नरप्रसाद दंगाल सहित पुरै प्यान विजयी भएको त्यहाँ रहेका पत्रकार उमनाथ भण्डारीले जानकारी दिएकाछन् ।
दंगालले १ हजार ३४ मत प्राप्त गरेकाछन् । माओवादी केन्द्रका छत्रहाङ फागोलाइ हराउदै दंगाल बिजयी भएकाहुन् ।
फागोले ९ सय ४६ मत प्राप्त गरेका थिए । त्यसैगरी महिला सदस्यमा शान्ता मुखिया, दलित महिला सदस्यमा तारा बोगटी, सदस्यमा चक्रबहादुर गुरुङ र लालप्रसाद बखिम बिजयी भएकाहुन् ।
कमल गाउँ पालिकाको कुल ११ हजार ३ सय ५० मत गणना भएको छ । अध्यक्षमा एमालेकी मेनुका काफ्लेले ४ हजार ५ सय ९७ र नेपाली कांग्रेसका हुकुमसिह राईले ४ हजार ५ सय २८ मत प्राप्त गरेकाछन् । यसैगरी माओवादी केन्द्रका विमल संग्रौलाले ११ सय २९ मत प्राप्त गरेकाछन् ।
