अर्थ

शेयर बजारमा आयो उछाल, एकैदिन ८७ अंकको वृद्धि


  काठमाडौं   सवाल नेपाल   २०७८ कार्तिक ८, १५:५२

लामो समयदेखि घट्दो क्रममा रहेको शेयर बजार परिसूचक नेप्सेमा सोमबार एकाएक उछाल आएको छ । नेपाल स्टक एक्सचेन्ज (नेप्से) का अनुसार आज नेप्से परिसूचक अधिकतम ८७.६३ अंकले बढेर २६७२.२५ विन्दुमा उक्लिएको हो ।

जब कि गत आइतबार नेप्से परिसूचक २७ अंकले मात्र बढेको थियो । यस्तै आज ठूला ‘क’ वर्गका कम्पनीहरुको नेप्से पाक सेन्सेटिभ इन्डेक्स समेत १३.६१ अंकले बढेर ५०४.५७ विन्दुमा पुगेको नेप्सेले जनाएको छ ।

यस दिन सबैजसो उपसूचकहरु धनात्मक भएर बजार नै हरियाली भएको छ । यद्यपि, ८७ अंक माथिले बढेको बजारमा कारोबार रकम भने खासै राम्रो हुन सकेको छैन । नेप्सेका अनुसार आज कुल २२९ कम्पनीका ८३ लाख ९५ हजार कित्ता बराबरको शेयर ५३ हजारभन्दा बढी पटक बजारमा किनबेच हुँदा ४ अर्ब ३० करोड ८८ लाखको कारोबार भएको छ ।

फेसबुकमा तपाईको प्रतिक्रिया

थप समाचार