सुनसरी र उदयपुरका दुई छुट्टाछुटै स्थानमा भइकाे सवारी दुर्घटनामा परि दुई जनाको मृत्यु र १ जना घाइते भएका छन् । सुनसरीको कोशी गाँउपालिका-२ लौकही-मधुबन सडक खण्डमा को २ त ९९६७ नम्बरको ट्र्याक्टरले को ३६ प ४०२७ नम्बरको मोटरसाइकललाई ठक्कर दिँदा स्थानीय ४० वर्षीय मनोज यादवको मृत्यु भएको हो ।ट्याक्टरको ठक्करबाट गम्भीर घाइते यादवको जिल्ला अस्पताल इनरुवामा उपचारको क्रममा मृत्यु भएको प्रहरीले जनाएको छ। ट्याक्टर चालक कोशी गाँउपालिका-२ का १८ वर्षीय जितेन यादवलाई जिल्ला प्रहरी कार्यालय सुनसरीले नियन्त्रणमा लिएको छ ।उदयपुरको बेल्टारबाट गाईघाट जाँदै गरेको प्रदेश नम्बर १-०५-००१ प ३५९२ नम्बरको मोटरसाइकलले त्रियुगा नगरपालिका-११ मा एक जनालाई ठक्कर दिएको छ । मोटरसाइकलको ठक्करबाट स्थानीय ४६ वर्षीय कर्ण सुन्दास, त्रियुगा-१३ राई चौकका चालक २९ वर्षीय बिरेन राई घाइते भएका थिए । घाइतेमध्ये सुन्दासको न्युरो हस्पिटल विराटनगर मा उपचारको क्रममा आज बिहान मृत्यु भएको प्रदेश प्रहरी कार्यालय विराटनगरले जनाएको छ ।