पाकिस्तानको कराँचीमा शुक्रबार सिन्ध पुलिसका सहायक उपनिरीक्षक (एएसआई)सहित दुई जनाको गोली हानी ह’त्या भएको स्थानीय सञ्चारमाध्यमले जनाएका छन् ।यो घ’टना कराँचीको सोल्जर बजार नम्बर २ क्षेत्रमा भएको हो, जियो न्यूजले वरिष्ठ प्रहरी उपरीक्षक (एसएसपी) पूर्व, कमर रजा जसकानीलाई उद्धृत गर्दै लेखेको छ ।पाकिस्तानी प्रकाशनका अनुसार पी’डितहरू, जावेद बलोच र मोहम्मद मुकाद्दस मोटरसाइकलमा यात्रा गर्दै गर्दा दुईवटा मोटरसाइकलमा आएका चार संदिग्धहरूले उनीहरूलाई पछ्याए र उनीहरूमाथि गोली प्र’हार गरेका थिए ।
मृ’त्यु हुनेहरू लियारीको चकीवारा गाउँपालिकाका बासिन्दा हुन् । प्रहरीको प्रारम्भिक अनुसन्धान अनुसार गोली प्र’हारमा ९ एमएमको पेस्तोल प्रयोग गरिएको थियो । घ’टनास्थलबाट १३ थान ९ एमएमको पेस्तोल गोलाबारुद बरामद गरिएको जनाएको छ । प्रारम्भिक अनुसन्धानले व्यक्तिगत दुश्मनीका कारण घ’टना भएको देखाएको छ । रासस
