पाल्पामा बस दुर्घटना हुँदा सात जनाकाे मृत्यु भएको छ ।
शव लिएर बुटवलबाट गुल्मीको रिडी जाँदै गरेको लु २ ख ७२७९ नम्बरको बस दुर्घटना भएको पाल्पाका प्रमुख जिल्ला अधिकारी जगन्नाथ पन्तले जानकारी दिए ।
उनका अनुसार उक्त दुर्घटनामा ११ जना घाइते भएका छन् । घाइतेलाई पाल्पा मिसन अस्पताल पठाइएको छ ।
बाटो चिप्लो हुँदा बस सडकबाट करिब १५० तल झरेको उनले बताए । उक्त बसमा ३६ जना मलामी सवार थिए ।
घाइतेको उद्धारमा प्रहरी र स्थानीयवासी लागेका छन् । मृत्तकको सनाखत हुन बाँकी रहेको जनाइएको छ । ‘४ जना बसले किचिएकाे अवस्थामा भेटिएकाे छ, अरू कति छन् यकिनका साथ भन्न सक्ने अवस्था छैन्,’ उनले भने । स्काभेटरकाे सहयाेगमा बस सिधा बनाउने काम भइरहेकाे छ ।
दुर्घटना बिहान १०ः३० बजे भएको बताइएको छ ।
प्रतिक्रिया
सम्बन्धित खवर
